2021 жылғы 16 қазанда Ы. Алтынсарин атындағы Арқалық педагогикалық институтында Ы. Алтынсариннің 180 жылдық мерейтойына арналған тәрбиелік іс-шаралар онкүндігінің ашылу салтанаты болып өтті. Іс-шара ұйымдастырушылары: «Дене шынықтыру және спорт» ББ жетекшісі Бейсенбаев Сүндетбай Қуандықұлы мен профессорлық-оқытушылық құрамы, «Барыс» спорт клубы және «Рухани Жаңғыру» жобалық кеңсесінің директоры Роман Аймағамбетұлы.
Айтулы іс-шара институтымыздың оқу және ғылыми жұмыс жөніндегі проректоры Темірбеков Нұрлыхан Мұқанұлының құттықтау сөзімен бастау алып, әсем әндер, мың бұралған билермен өз жалғасын тапты. Мерекелік жиынға институтымыздың студенттері мен профессорлық-оқытушылық құрамы қатысты.
Ашылу салтанатынан кейін оқу ордамыздың студенттері арасында волейбол, арқан тартыс және қазақ күресі сынды спорт түрлерінен жарыстар өткізілді.
Волейболдан (қыздар) арасында 1-орынды Тарих және Өнер факультеті, 2-орынды Педагогика және Филология факультеті, 3- орынды Жаратылыстану және Ақпараттандыру факультетінің командасы иеленді.
Арқан тартыстан 1-орынды Тарих және Өнер факультеті, 2-орынды Жаратылыстану және Ақпараттандыру факультеті, 3-орынды Педагогика және Филология факультетінің командасы иеленді.
Қазақ күресінен +60 салмақ дәрежесінде 1-орынды ДШС-31 тобының студенті Әкімбек Қайрат, 2-орынды ДШС-11 тобының студенті Кенжебаев Ернар, 3-орынды И-41 тобының студенті Ертай Нұрболат иеленсе, +70 салмақ бойынша 1-орынды Байғоныс Жандос (ДШС-41 тобының студенті), 2-орын Жауғаш Нұрлыхан (ДШС-23 тобының студенті), 3-орынға Мұрат Айбат (ДШС- 11 тобының студенті) иеленді. +80 салмақ дәрежесінде ДШС-21 тобының студенті Сермағанбет Рауан 2-орынды иеленсе, ДШС-23 тобының студенті Қабылан Нұрсұлтан жеңімпаз атанды.
Тәрбиелік іс-шаралар онкүндік шеңберінде алда да жалғасын табатын болады.

2+

3+

4+

5+

6+

7+

8+

9+

2021 жылдың 15 қазан күні 14.00-де Жаратылыстану және ақпараттандыру факультетінің оқытушылары Арыстанова Сауле Азикеновна мен Хамитова Құралай Козыкинаның ұйымдастыруымен Жоғарғы оқу орны мен мектептер арасында ынтымақтастықты қалыптастырып, жаңартылған білім беру бағдарламасының тиімділігін арттыру мақсатында, «Жаңартылған білім беру бағдарламасының тиімділігі» тақырыбында шеберлік-сынып өткізілді.
«Жаңартылған білім беру бағдарламасының тиімділігі» тақырыбындағы шеберлік-сыныпқа арнайы шақырылған мектеп мұғалімдері, «Химия», «Биология» білім беру бағдарламаларының жетекшісі, PhD докторы Коразбекова Карлығаш Усепхановна, «Химия», «Биология» білім беру бағдарламаларына қарасты педагог оқытушылар ұжымы мен 4-курс студенттері қатысты.
«Жаңартылған білім беру бағдарламасының тиімділігі» тақырыбындағы шеберлік-сыныпқа «Биология пәнін оқытуда синквейн тәсілін қолданудың тиімділігі» Жаратылыстану және ақпараттандыру факультетінің аға оқытушысы: Арыстанова Сауле Азикеновна, Ш.Уәлиханов атындағы №1 жалпы орта білім беретін мектебінің химия пәнінің мұғалімі Баймуратова Айгерим Болысбековна «Жаңартылған білім мазмұны бойынша химия пәнін оқытудың тиімділігі», биология-химия пәнінің мұғалімі Тасқожин Қайрат Калтайевич «Дәрумендер» тақырыбында,№4 Кейкі батыр атындағы жалпы орта білім беретін мектебінің биология пәнінің мұғалімі Кемпирова Асемгул Сайлаубековна және химия пәнінің мұғалімі Асипова Ақерке Қайыржанқызы «Оттегі және озон тақырыбын оқытуда СLIL-технологиясын қолдану» тақырыбында кіріктірілген сабақ үлгісін, №3 Б.Майлин атындағы жалпы орта білім беретін мектебінің биология пәнінің мұғалімі Балтабайева Индира Қызбелбайқызы «Биология сабақтарында жаңа әдіс тәсілдерді тиімді пайдалану», география пәнінің мұғалімі Мухамбетовна Айсұлу Какимбековна «Материктер» тақырыбында ой бөлісіп, тәжірибе алмасты.

2

3

Бүгін 13 қазанда «Рухани жаңғыру» жобалық кеңсесінің ұйымдастыруымен Қазақстан Республикасы Тәуелсіздігінің 30 жылдығына орай «Рухани жаңғыру және Тәуелсіздік құндылықтары» атты кездесу болып өтті. Кездесуге қаламыздағы Арқалық политехникалық колледж студенттері мен оқытушылары қатысты. Жетекшісі: «Атамұра үйірмесінің жетекшісі Кокашева Гүлден Ақзабайқызы.
Іс-шараның мақсаты: студент-жастарға тәуелсіздіктің маңызы мен оның негізгі құндылықтарын түсіндіру.
Колледж студенттері алдымен институтымыздағы екі музейде болды: «Алтынсарин мұражайы» мен «Жаратылыстану табиғи-тарихи мұражайы».
Кездесуді өткізген «Рухани жаңғыру» жобалық кеңсесінің директоры Роман Аймағамбетұлы кездесу барысында елімізде жүргізіліп келе жатқан рухани жаңғыру мен тәуелсіздік құндылықтарының байланысы, тәуелсіздіктің қазақ халқының тарихындағы маңызы мен оның тарихи рөліне тоқталып өтті. Әңгіме барысында ұлттық тіліміз, болмысымыз бен менталитетіміз, дініміз, тарихымыз туралы мәселелер қозғалды.
Әрбір адам үшін өзінің туып-өскен атамекен елі қымбат. Әрбір жердің қадірін сол жерде туып-өскен жан біледі. Сондықтан Отанымызды, тәуелсіздікті лайықты қадірлей білуіміз керек. Әр нәрсенің қадірі көзден ғайып болғанда ғана білінеді. Осыны терең ойланған әрбір қазақ азаматы ел тәуелсіздігінің қадіріне жетіп, оны көзінің қарашығындай сақтауы тиіс.

2

3

4

5

6

 

Ы.Алтынсарин атындағы Арқалық педагогикалық институтының Ақпараттық-кешендік кітапханасында «15 қазан – Кітапханашылар күні» қарсаңында «Мамандығым – мақтанышым» атты мерекелік іс-шара өткізілді. Қазіргі таңда зейнеткер Гүлжиян Жаңбырбайқызы мен кітапханашы Нағима Саленовна бұл іс-шараның құрметті қонағы болды. Сонымен қатар мерекелік іс-шараға кітапханашылар мен студенттер де қатысты. Студенттер қонақтарға түрлі сұрақтар қойып, жауаптарын алды. Кітапханашы апайларын мереке күнімен құттықтап, өз өнерлерін көрсетіп, музыкалық сәлем жолдады. Мерекелік іс-шара Мерзімді басылымдар оқу залының кітапханашысы Н.Г.Жатканованың ұйымдастыруымен өткізілді.

2

3

4

5

6

7

 

Жақында Жаратылыстану және ақпараттандыру факультетінің «Математика және физика», «Физика» білім бағдарламаларының 2-3 курс студенттерімен «Сапалы білім беру – ұлт болашағы» атты тәрбие сағаты өтті. Тәрбие сағатының басты мақсаты: Қазақстан Республикасының Президенті Қасым-Жомарт Тоқаевтың Қазақстан халқына Жолдауын түсіндіру.
Іс-шараны ұйымдастырушы: Жаратылыстану және ақпараттандыру факультетінің аға оқытушысы, АрқПИ-ның доценті М.С.Қожахмет.
Тәрбие сағатында қарастырылған басты мәселе Қасым-Жомарт Тоқаевтың 2021 жылдың 1 қыркүйегінде «Халық бірлігі және жүйелі реформалар – ел өркендеуінің берік негізі» атты Қазақстан халқына кезекті Жолдауындағы білім мен ғылым мәселесіне байланысты қозғалған басты бағытты талдау және түсіндіру болды.
Президенттің қозғаған басты тақырыптарының бірі – білім мен ғылым болды. Білім мен ғылымды елді алға сүйрейтін негізгі күш дейтін болсақ, бұл мәселеге немқұрайлы қарауға болмайды. «Бір мектеп – жүз тағдыр, Ұстаздың жүгі ауыр» деп халық бекер айтпаса керек. Елдің болашақ тағдырын сенімді түрде келер ұрпақтың қолына беру үшін алдымен олардың білім деңгейі жоғары болуы шарт. Ал оларға білім нұрын себетін бірден-бір тұлға – мұғалім, ұстаздар қауымы. Олардың әлеуметтік-тұрмыстық жағдайын көтеру – мемлекет саясатының қай уақытта болмасын басты бағыттарына айналып отыр.
Шара барысында студенттер өз ойларын ортаға салды.

2

3

2021 жылдың қазан айының 7-де «Рухани жаңғыру» жобалық кеңсесінде «Ұлттық құндылықтар мәселесі» тақырыбында ашық дәріс сағаты болып өтті. Ұйымдастырушы: «Рухани жаңғыру» жобалық кеңсесі.
Іс-шараның мақсаты: студент-жастар арасында «Рухани жаңғыру» бағдарламасының негізігі бағыттарын түсіндіру.
Ашық дәріс сағатына институтымыздың «Физика-Информатика» және «Математика-Физика» білім бағдарламаларының бірінші курс студенттері қатысты.
Дәрісті жүргізуші «Рухани жаңғыру» жобалық кеңсесінің директоры Роман Аймағамбетұлы Елбасының Н.Ә.Назарбаевтың «Болашаққа бағдар: Рухани жаңғыру» және «Ұлы Даланың жеті қыры» атты бағдарламалық мақалаларының ұлттық құндылықтарды жаңғыртудағы тарихи маңызына, қазақ жастарының тарихи санасының жаңару жолындағы алатын орны мен рөліне тоқталды.
«Рухани жаңғыру» бағдарламасының қабылданғанына 5 жылға жуық уақыт болса да, халықтың көп бөлігінің одан хабары жоқ екендігі халық арасында жүргізілген соңғы сауалнама анықтап отыр. Сондықтан халықтың, оның ішінде, әсіресе жастардың ұлттың рухани құндылықтары туралы білуі қоғамның болашақ дамуы үшін, мемлекеттің толыққанды өмір сүруі үшін өте маңызды.

7

8

9

А.Байтұрсынов атындағы Қостанай өңірлік университетінің Психология кафедрасының ұйымдастыруымен Ы.Алтынсарин атындағы Арқалық педагогикалық институты, Павлодар педагогикалық институты мен Ы.Алтынсарин атындағы мұражай қызметкерлерінің қатысуымен «Ұстаз-ағартушы Ыбырай Алтынсариннің ұлы мұрасы» тақырыбында университетаралық онлайн-дөңгелек үстел өтті.
Аталмыш іс-шараға  Ы.Алтынсарин атындағы Арқалық педагогикалық институтының аға оқытушысы, магистр, АрқПИ доценті Ардақ Абдуллина Әмірханқызы  Ы.Алтынсариннің әдеби шығармашылығындағы ғылыми зерттеулер туралы баяндама жасады.

«Ақмола облысы білім басқармасының Көкшетау қаласы бойынша білім бөлімі» ММ 2021 жылғы 17 қыркүйекте «Ахмет Байтұрсынұлы: ақын, ғалым, публицист» атты ғылыми конференция ұйымдастырды.
Аталмыш конференцияда Ы.Алтынсарин атындағы Арқалық қаласы педагогикалық институтының педагогика және психология факультетінің деканы, ф.ғ.к., профессор Қалиев Айбек Киікбайұлы, қазақ тілі мен әдебиеті кафедрасының аға оқытушысы, магистр, АрқПИ доценті Абдуллина Ардақ Амирхановналар қатысып, өз халқының дамуына мүдделі қазақ филологиясы мен өнертану ғылымының негізін салушы ғалым туралы мазмұнды баяндамалар жасады.

2

 

 

Бүгін ақылы дария қарияларымыздың халықаралық мерекесі. 1 қазан – Халықаралық қарттар күніне орай Арқалық педагогикалық институтының Басқарма Төрағасы – Ректор С.Б.Қуанышбаевтың атынан ардагер профессор оқытушылар мен қызметкерлерді, қарттар күні мерекесімен құттықтау рәсімі өткізілді. Институт басшысы өз тарапынан ардагерлерді шын жүректен құттықтап, дендеріне саулық, отбасы-әулеттеріне амандық тіледі.
Институттың кәсіподақ ұйымы ұйымдастырған аталмыш іс-шара барысында асыл қазынамыз саналатын аға буынға, лайықты құрмет көрсетіліп, сый-сияпат жасалды.
Қазыналы қарттарымыз аман болсын!

15

16

17

Қыркүйек айының 27-28-і күндері А.Байтұрсынов атындағы Қостанай өңірлік университетінің қабырғасында Ы.Алтынсариннің 180 жылдығына орай ұйымдастырылған «Заманауи білімге деген көзқарас» атты пікір-сайыстан республикалық турнир өтті. Турнирге Нұр-Сұлтан, Қарағанды, Павлодар, Арқалық қалаларынан 16 пікірсайысшы қатысты.
Аталған сайысқа Ы.Алтынсарин атындағы Арқалық педагогикалық институтының «Педагогика және психология» білім беру бағдарламасының оқытушысы К.С. Алимбаевтың жетекшілігімен «Ақиқат» пікір-сайыс клубынан 4 пікірсайысшы қатысқан болатын.
Жарыс нәтижесі бойынша «Ақиқат» пікір-сайыс клубының мүшелері турнирдің арнайы кубогына ие болды. Республикалық турнирдің арнайы кубогін Білім және ғылым министрі Асхат Қанатұлы Аймағамбетов салтанатты түрде табыстады.

 11

12

13