Бүгін Басқарма Төрағасы-Ректор С.Б.Қуанышбаев 1-4 курс білім алушыларымен кездесу өткізді. Негізгі қарастырылған мәселе - 2021-2022 оқу жылының 2 семестріндегі оқу үрдісін ұйымдастыру.
С.Қуанышбаевтың ақпараты бойынша оқу үрдісі қаңтар айының 24-нен аралас форматта басталатын болады. Яғни, дәріс-сабақтар-онлайн, тәжірибелік және зертханалық сабақтар-офлайн түрде өтеді.
Елімізде эпидемиологиялық жағдайдың нашарлауына байланысты Covid-19 коронавирустық инфекцияның таралуына жол бермеу мақсатында білім алушыларды әлеуметтік қашықтықты ұстанып жүруге, көпшілік жерге бармауға, маска режимін ұстануға шақырды.
Сондай-ақ, оқу ғимараты мен Студенттер үйінде қалыпты күйде санитарлық-эпидемиологиялық нормалар сақталған. Оқу корпустарына, студенттер үйіне кіру қатаң түрде «Ashyq» қосымшасы бойынша жүзеге асырылады. Санитайзерлер мен термометрлер, аудиторияларда қашықтықты сақтайтын белгілер, дәрісханада отырғызу орындары белгіленген екенін атап өтті. Студенттердің толыққанды білім алуына институт тарапынан барлық жағдайлар жасалуда.
Білім алушылардың ревакцинациядан өту мәселесі де қарастырылды. Қысқы демалыстан оқуға оралған бетте оқу орнына медициналық қызметкерлер арнайы шақырылып, студенттер екпені институт қабырғасында қабылдауына мүмкіндік жасалатын болады.
Кездесу аяғында Басқарма Төрағасы – Ректор С.Б.Қуанышбаев әдеттегідей студенттер қойған сауалдарға тиісті жауап қайтарды.

2

 

Ы. Алтынсарин атындағы АрқПИ профессорлық-оқытушылық құрамының 8 мүшесі «Болашақ» халықаралық стипендиясының иегері атанды. Атап айтсақ, жаратылыстану және ақпарттандыру факультетінің деканы Ескермесұлы Әлібек Бельгияның Гент университетінде 6 ай; тарих және өнер факультетінің деканы Конкина Гүлбаршын Спанқызы, педагогика және филология факультетінің деканы Қалиев Айбек Киікбайұлы, «Бастауыш оқыту педагогикасы мен әдістемесі» ББ аға оқытушысы, доцент, Дүйсебекова Айсауле Есенғазықызы, «Музыкалық білім» ББ жетекшісі Түрікпенова Сандуғаш Жұманқызы, «Қазақ тілі мен әдебиеті», «Қазақ тілінде оқытпайтын мектептердегі қазақ тілі мен әдебиеті» ББ жетекшісі Рахметова Базар Анасқызы, «Тарих» ББ аға оқытушысы Байбосын Ләйлә Сәндібекқызы, «Педагогика және психология» ББ оқытушысы Әлімбаев Қанат Сейтқасымұлы Түркияның Акдениз университетінде 2 ай «Тағылымдама» бағдарламасы бойынша білім алатын болады.
Женімпаздарымызды шын жүректен құттықтай отырып, тағылымдаманың сәтті өтуіне тілектестік білдіреміз. Еңбектеріңіз жана берсін!

2+

3+

4+

5+

6+

7+

8+

9+

 

 

Ы. Алтынсарин атындағы Арқалық педагогикалық институты халықаралық институционалдық аккредиттеу шеңберінде 5 жыл мерзімге аккредиттеуден өтті. Бұл туралы шешім Аккредиттеу және Рейтингтің Тәуелсіз Агенттігінің (IAAR) Аккредиттеу кеңесінің 2021 жылғы 23 желтоқсанда (№64 хаттама) өткен отырысында қабылданды.
Институт ұжымын осындай маңызды жетістікке жетуімізбен құттықтаймыз!

Жаңа жыл – қашанда əр адамның жүрегіне жаңа үміттер мен аппақ армандар ұялататын, ғажайып қиялдарға қол создыратын ең сүйікті мерекелердің бірі. Барша адамзат бұл күні өткенді ой елегінен өткізіп, саралап, жаңа жылға таза ниетпен, болашаққа деген мол сеніммен, нық қадаммен аттағанды қалайды. Сондай-ақ, жаңа жыл өткен жылдың қорытындысын жасап, атқарылған істі саралайтын кезең екендігі белгілі. Осы орайда бүгін, желтоқсанның 24 күні, институтымыздың белсенді студенттерін марапаттау рәсімі өткізілді.
Оқу үздігі болумен шектеліп қана қоймай, институттың қоғамдық өмірінде де өздерін тек жоғары деңгейде көрсеткен, оқу ордамыздың қалалық, облыстық, республикалық, тіпті халықаралық іс-шараларда беделінің асқақ болуына елеулі үлес қосқан студенттер мен олардың ардақты ата-аналары Басқарма Төрағасы-Ректор – Қуанышбаев Сейітбек Бекенұлының алғыс хаттарымен марапатталды. Марапаттау рәсімін АрқПИ проректоры Темирбеков Нұрлыхан Мұқанұлы өткізді.
Нұрлыхан Мұқанұлы студенттерді келе жатқан жаңа 2022 жылмен шын жүректен құттықтай отырып, келер жылда жағымды жаңалықтар мен телегей табыстардың мол болуына тілектестік білдірді. Мерекелік іс-шара жаңа жылдық әндер, заманауи билер және үздік әзілдермен өз жалғасын тапты.

2

3

4

5

6

7

Бүгін «Қазақстан мұғалімі – 2019, 2020, 2021», «Болашақ мұғалім» ұлттық жүлдесінің финалистері, Қазақстандағы педагогикалық жоғары оқу орындарының профессор-оқытушылық құрамы, бесінші өңірлік воркшоптың қатысушыларымен оффлайн және онлайн форматтарында кездесу сағаты ұйымдастырылды.
Іс шараға Әлеуметтік маңызды бастамаларды дамыту қорының төрағасы Ермек Исағалиұлы Мәжитов, Ляззат Кайдирбековна Булебаева, «Қазақстан мұғалімі» жобасының координаторы Әлия Балтабаевалар қатысты.
“Қазақстан мұғалімі” Ұлттық премиясының Финалистеріне арналған 5 аймақтық воркшопы барысында арнайы әзірленген бейнежазбалар көрсетіліп, Ы. Алтынсарин атындағы Арқалық педагогикалық институтының Басқарма Төрағасы – Ректор Куанышбаев Сейітбек Бекенұлының құттықтау сөзімен жалғасты.
Қоғамдық маңызы бар бастамаларды дамыту қорының төрағасы Мажитов Ермек Исағалиұлы қордың миссиясы туралы ақпаратымен бөлісті. Жыл жеңімпаздарының әрқайсысы блиц-сұхбатқа қатысып, тиісті сұрақтарға жауап берді.

1++

1++

1++

1++

1++

1++

Жақында қаламыздағы Ә.Боранбаев атындағы кинотеатрда «Арқалық қаласы әкімдігінің қалалық тілдерді оқыту орталығы» коммуналдық мемлекеттік мекемесінің ұйымдастыруымен өткен «Тіл тұғыры – ұлт ғұмыры» атты іс-шарада қазақ тілінің қолдану аясын кеңітіп, мемлекеттік тілдің мәртебесін арттыруға қосқан зор үлестері үшін институтымыздың «Шетел тілі: екі шетел тілі» ББ аға оқытушысы, АрқПИ доценті Анапин Елтай Хакімұлы мен «Қазақ тілі мен әдебиеті» ББ аға оқытушысы, магистр, АрқПИ доценті Ардақ Әмірханқызы Абдуллиналар Алғыс хаттармен марапатталды. Құттықтаймыз!

2

3

Арқалық қазақ жасөспірімдер театрында Қазақстан Республикасының Тәуелсіздігінің 30 жылдығына арналған “Тәу етер жалғыз кием – Тәуелсіздік!” тақырыбында мерекелік іс-шара болып өтті. «Ы.Алтынсарин атындағы Арқалық педагогикалық институты» коммерциялық емес акционерлік қоғамының Басқарма Төрағасы-Ректор С.Б.Қуанышбаев құттықтау сөзбен ашып, мерекелік марапаттауларды табыстады. Институт ұжымы бойынша Қазақстан Республикасы Президентінің 2021 жылғы 2 желтоқсандағы Жарлығы бойынша Жаратылыстану және ақпараттандыру факультетінің деканы Ескермесұлы Әлібек пен Педагогика және филология факультетінің аға оқытушысы Шәкірова Қатира Мирамқызы «Қазақстан Тәуелсіздігіне 30 жыл» мерекелік медалімен, Жаратылыстану және ақпараттандыру факультетінің Химия, Химия және биология, Биология білім беру бағдарламаларының жетекшісі Коразбекова Карлыгаш Усипханкызы мен Педагогика және филология факультетінің Шетел тілі: екі шетел тілі, Ағылшын тілі білім беру бағдарламаларының жетекшісі Асанова Асель Карлыбаевна Қазақстан Республикасы Білім және ғылым министрлігінің Құрмет грамотасымен, Педагогика және филология факультетінің аға оқытушысы Жандилдина Роза Есентаевна Қазақстан Республикасы Білім және ғылым министрлігінің Құрмет дипломымен, Жаратылыстану және ақпараттандыру факультетінің аға оқытушысы Алиева Гулим Сабитхановна, Тарих және өнер факультетінің аға оқытушысы Ершатов Кайрат Битибаевичтер Қазақстан Республикасы Білім және ғылым министрлігінің Алғысымен,Тарих және өнер факультетінің аға оқытушысы Жармагамбетов Ербол Ербатырулы, Жаратылыстану және ақпараттандыру факультетінің аға оқытушылары Илубаев Медет Асхатович, Хамитова Куралай Козыкиналар, Редакция және дизайн бөлімінің бастығы Амирбеков Оразбек Амирбекулы, Ақпараттық-кешендік кітапхананың кітапханашысы Абилбекова Камшат Мухтаровна, №1 студенттер үйінің коменданты Каненова Нурзия Калижановна, әкімшілік-шаруашылық бөлімінің дәнекерлеушісі Доронцов Юрий Юрьевичтер «Ы.Алтынсарин атындағы Арқалық педагогикалық институты» коммерциялық емес акцонерлік қоғамының Басқарма Төрағасы-Ректор Куанышбаев Сеитбек Бекенұлының бұйрығымен «Қазақстан Тәуелсіздігіне 30 жыл» мерекесіне орай инситуттың өркендеуіне қосқан үлестері үшін Алғыс хатпен марапатталды.

2

3

4

5

6

7

8

9

10

11

12

13

14

15

16

17

18

19

20

21

22+

2021 жылдың 7 желтоқсанында «Педагогика және филология» факультетінің РКШ-12 тобының кураторы З.С.Бейсенова «Елбасының өмірбаяны – елдің өмірбаяны» тақырыбында кураторлық сағат өткізді.  Аталған іс-шара Қазақстан Республикасы Тұңғыш Президентінің өмірбаяны мен қызметі және оның Қазақстан Республикасының дамуындағы рөлінің маңыздылығы туралы білімді тереңдету; танымдық қызығушылықты дамыту, ҚР Тұңғыш Президентінің тыныс-тіршілігі туралы ой-өрісін кеңейту; студенттерді Қазақстанның мемлекеттік рәміздеріне, өткен тарихқа құрметпен қарауға, патриотизм сезімі мен отанын сүюге, Тұңғыш Президенттің қызметіне құрметпен қарауға тәрбиелеу мақсатында өткізілді. Бұл тәрбие сағатында З.С.Бейсенованың білім алушыларға берер ақпараты орасан зор болды. Тақырыпты қолдай отыра білген студенттер: «Әрбір адам өз халқы, елі, жері және тарихы үшін тек мақтаныш сезімін сезінеді. Болашақты құру және Отанымыз – Қазақстан Республикасына қызмет етуді, тарихымызды ұмытпай, болашақты құру үшін, бүгінді білуіміз керек. Жас ұрпақ-Қазақстанның болашағы-бүгінгі студенттер. Сондықтан біз Елбасының саясатын қолдаймыз және еліміздің саяси-экономикалық тұрақтылығын дамытуға бар күш-жігерімізді саламыз деп мақтанышпен және сеніммен айта аламыз» – деп өз пікірлерін қоса отырды.

6

7

8

Қарашаның 26 күні әл-Фараби атындағы Қазақ Ұлттық университетінде Қазақстан Республикасының Тұңғыш Президенті күніне арналған «MEN ZHASTARGA SENEMIN!» студент жастардың IX республикалық форумы аясында «Мен өз елімнің гүлденуі үшін не істей аламын?» студенттік эссе байқауы өтті. Ауқымды іс-шараның басты мақсаты – инновация мен шығармашылықты ұштастыру арқылы жастар патриотизмін дамыту. Республикалық форумға 50 ЖОО-ның үздік студенттері қатысты. Солардың ішінен іріктелген 107 қатысушы марапат кешіне жолдама алды. Эссе байқауына Ы.Алтынсарин атындағы Арқалық педагогикалық институтынан «Педагогика және филология» факультетінің 3 курс студенті Алимжанов Абылай қатысып, «Тәуелсіздікке – 30 жыл» номинациясымен марапатталды. Барлық марапатталған студенттер ҚазҰУ-дың Басқарма Төрағасы – Ректоры Ж.Қ.Түймебаевтың атынан сертификат пен ескерткіш сыйлықтарға ие болды.

2

Бүгін институт қабырғасындағы «Ақпараттық технологиялар» орталығында Башқұрт мемлекеттік университетінің «Математика және ақпараттық технологиялар» факультетінің бағдарламалау және экономикалық информатика кафедрасының доценті, РҒА УФЗО-ның аға ғылыми қызметкері Валеев Нурмухамет Фуатұлы Ы.Алтынсарин атындағы Арқалық педагогикалық институтының «Математика», «Физика», «Информатика» білім беру бағдарламаларының оқытушыларына арналған ғылыми-әдістемелік семинар өткізді.
Ғылыми-әдістемелік семинар «Қосымшалармен матрицалық ыдырау» тақырыбында өткізілді.
Семинар барасында келесі матрицалық ыдыраулар қарастырылды: LU, QR, SVD, негізгі мәлімдемелерді шығару және дәлелдеу; суретті өңдеуге арналған қосымшалар : деректерді ұсынудың сандық негіздері, SVD –ыдырау негізінде деректердің өлшемін қысқарту. Сондай-ақ, MATLAB ортасында матрицалық ыдыраулармен және олардың қосымшаларымен жұмыс істеудің негізгі құралдары, жасанды интеллект (машиналық оқыту) және басқа да қолданбалы ғылымдардағы қосымшалар талқыланды.
Сызықтық алгебраны, математикалық талдау мен информатиканы «тереңдету әдісімен» оқыту әдістемесі ақпарат өлшемін қысқарту туралы есеп негізінде талқыланды.

2

3

4

5

6

7