Уфа қаласында студенттердің академиялық ұтқырлығы және оқытудың желілік нысандарын жүзеге асыру бағдарламасы аясында Ы.Алтынсарин атындағы АрқПИ-нің 2-3 курсының сегіз студенті М.Ақмулла атындағы Башқұрт мемлекеттік университетінде оқудан өтті.

Студенттер Жамантай Закария, Теңізбай Динара, Қалиасқаров Алмас, Худайбергенова Ақжибек, Қойғара Ақнұр, Серікова Дильназ, Махмұт Сырымбет, Болатова Жазира математика және физика, орыс емес тілді мектептердегі Орыс тілі мен әдебиеті, дене шынықтыру және спорт, тарих сияқты бағыттар бойынша білім алды.

3 апта ішінде студенттер Физика, математика, цифрлық және нанотехнология институты, Тарих, құқық және әлеуметтік-гуманитарлық білім институты, филологиялық білім және мәдениетаралық коммуникация институты, Дене шынықтыру және адам денсаулығы институты базасында тағылымдамадан өтті. Сабақтарға «Студенттік көктемге», Наурыз мерекесіне, шетелдік білім алушыларға арналған ауызашарға белсенді қатысты. Сондай-ақ серіктес ЖОО әріптестері Ақмулла университеті корпусының арнайы экскурсияларын ұйымдастырып, Уфа қаласын көрсетті.
«Біздің міндетіміз – жоғары білім мен ғылым саласында көпір салу. Академиялық ұтқырлық сіздің жалпыға бірдей білім беру және ғылыми тәжірибе алуыңызға, кәсіби деңгейіңізді арттыруға ықпал етеді, жанды қарым-қатынас және пікір алмасу форматында үздік мамандардан қажетті білім алуға мүмкіндік береді. Сонымен қатар, бұл жаңа таныстықтар үшін тамаша мүмкіндік», – деп атап өтті ЖОО ректоры Ержан Әмірбекұлы студенттермен кездесуде.

Өз кезегінде студенттер академиялық сапардан алған әсерлерімен бөлісті: «Оқу бағдарламасы барысында біз өзіміздің жаңа қырымызды аша алдық.Тұтастай алғанда, шетелде оқу бізге өмірге деген көзқарасымызды өзгертуге, көптеген мүмкіндіктер жасауға, сондай-ақ еліміздің білім беру саласына өзгерістер енгізе алатын тәжірибе жинақтауға мүмкіндік берді. Осыған байланысты біз ректорға және бізді қолдаған және сапарымызға барлық жағдай жасаған адамдарға алғыс айтқымыз келеді».

Айта кету керек, ағымдағы оқу жылының екінші семестрінің соңына дейін студенттер тағылымдаманың қашықтықтан білім алу кезеңіне ауысады, онда оқуды онлайн-форматта аяқтайды.
Altynsarin institute студенттерінің оқуы мен тұруын тамаша ұйымдастырғаны үшін Ақмулла университетіндегі әріптестерімізге алғысымызды білдіреміз!
Естеріңізге сала кетейік, 2023 жылдың желтоқсанында Ақмулла университетімен білім және ғылым саласындағы ынтымақтастық туралы ұзақ мерзімді шарт жасалды, оның шеңберінде осы сапар орын алды, сондай-ақ өзге де іс-шаралар іске асырылуда.