Білім беру гранты негізінде

Білім беру гранты негізінде оқуға түсу үшін құжаттарды қабылдау процесі

Оқуға түсуші ҰБТ-ға қатысушылардың деректер базасына тіркелу үшін Ұлттық тестілеу орталығының сайты арқылы 2024 жылғы 06 мамырдан бастап 20 мамырға дейін https://app.testcenter.kz/ сілтемесі бойынша онлайн өтініш береді. Осы кезеңде 2 (екі) рет тестілеуге қатысу үшін өтініш беруге мүмкіндік беріледі. ҰБТ тапсыру мерзімі туралы толық ақпаратты https://testcenter.kz/ru/postupayushchim-v-vuz/ent/edinoe-natsionalnoe-testirovanie-ent/ сілтемесі бойынша алуға болады.

Білім алушыларды оқуға қабылдау Қазақстан Республикасының кез келген педагогикалық ЖОО да тапсыруға болатын арнаулы емтихан нысанындағы нәтижелерін ескере отырып жүзеге асырылады.
Арнаулы емтихан «ӨТТІ» немесе «ӨТПЕДІ» нысанында бағаланады.
Арнаулы емтихан нәтижелері өткізілген күні жарияланады.
Арнаулы емтихан өту нәтижелері бойынша оқуға түсушіге арнайы емтихан тапсыру орнына қарамастан, педагогикалық ЖОО ға ұсыну үшін рұқсат беру ведомосынан үзінді көшірме беріледі.
«Ы.Алтынсарин атындағы Арқалық педагогикалық институтында» КеАҚ-да арнаулы емтиханды тіркеу кестесі мен тапсыру мерзімдері ЖОО-ның ресми api.edu.kz сайтында жарияланады.
Оқуға түсуші арнаулы және (немесе) шығармашылық емтихан өткізілетін аудиторияға (орынға) жеке басын куәландыратын құжатты көрсеткенде жіберіледі.

Жоғары білімнің білім беру грантын беру және (немесе) ақылы оқуға қабылдау конкурсына ҰБТ-дан өткен және оның нәтижелері бойынша кемінде 75 балл жинаған тұлғалар жіберіледі. Бұл ретте ҰБТ-ның Қазақстан тарихы және екі бейіндік пәндері бойынша және (немесе) шығармашылық емтиханнан кемінде 5 балл, ал Оқу сауаттылығы мен Математикалық сауаттылықтан кемінде 3 балл алу қажет.
Жалпы орта, техникалық және кәсіптік немесе орта білімнен кейінгі білімі бар тұлғалар қатыса алады. Республикалық бюджет қаражаты есебінен білім беру грантын беру конкурсына қатысу үшін талапкер ағымдағы жылғы 13-24 шілде аралығында институтқа өтініш береді.

Білім беру грантын тағайындау конкурсына қатысу үшін құжаттар тізімі:

Техникалық және кәсіптік, орта білімнен кейінгі немесе жоғары білім туралы құжат (аттестат/ диплом) (түпнұсқа);
жеке басын куәландыратын құжат (түпнұсқасы және 2 көшірмесі);
ҰБТ сертификаты (ҰТО сайтынан басып шығарылған түрде);
3 x 4 см, өлшемдегі 2 фотосурет;
075-У үлгідегі медициналық анықтама (түпнұсқа), 063-У үлгідегі көшірме (егу картасының көшірмесі);
6) арнаулы емтиханнан өткені туралы ведомостен үзінді (баспа түрде шығару);
басым құқық пен квота берілгенін растайтын құжаттар:

медициналық қорытындыға сәйкес тиісті білім беру ұйымдарында оқуға қарсы көрсетілімдері жоқ бірінші немесе екінші топтағы мүгедектігі бар адамдар, бала кезінен мүгедектігі бар адамдар, мүгедектігі бар балалар арасынан шыққан азаматтар;
басқа мемлекеттердiң аумағындағы ұрыс қимылдарының ардагерлері, жеңілдіктер бойынша Ұлы Отан соғысының ардагерлеріне теңестірілген ардагерлер;
ауылдың әлеуметтік-экономикалық дамуын айқындайтын білім беру бағдарламалары бойынша оқуға ауыл жастары арасынан шыққан азаматтар;
Қазақстан Республикасының азаматтары болып табылмайтын ұлты қазақ адамдар;
жетім балаларды және ата-аналарының қамқорлығынсыз қалған балаларды, сондай-ақ кәмелеттік жасқа толғанға дейін ата-анасын жоғалтқан немесе ата-анасының қамқорлығынсыз қалған жастар қатарындағы Қазақстан Республикасының азаматтарын;
Қазақстан Республикасының Үкіметі айқындаған өңірлерге қоныс аударған ауыл жастары арасынан шыққан Қазақстан Республикасының азаматтары;
кәмелетке толмаған төрт және одан көп бала тәрбиелеп отырған отбасылардағы балалар;
кемінде үш жыл толық емес отбасы мәртебесі бар отбасылардағы балалар;
бала кезінен мүгедектігі бар балаларды, бірінші немесе екінші топтағы мүгедектігі бар адамдарды тәрбиелеп отырған отбасылардағы балалар.

тіркеу куәлігі (ұлдар үшін, көшірмесі)

Республикалық комиссия шешімінің негізінде ғылым және жоғары білім саласындағы уәкілетті органның бұйрығы шығарылады және оқуға түсушілерге куәлік беріледі.
Жоғары оқу орнынан кейінгі білім беру гранты иегерлерінің тізімі бұқаралық ақпарат құралдарында, интернет-ресурстарда жарияланады.
Грант иегерлерін оқуға қабылдау кезінде жоғарыда аталған құжаттармен бірге білім беру грантын беру туралы куәлігін ұсынып, қабылдау комиссиясына мына құжаттарды толтырылуы қажет:
1. Институт Ректорының атына белгіленген нысан бойынша өтініш;
2. білім беру қызметтерін көрсету туралы келісім шарт.
Талапкерлерді институтқа білім беру грант негізінде оқуға қабылдауды институттың қабылдау комиссиясы жүзеге асырады. Құжаттарды қабылдағаннан кейін ЖОО басшысы студент қатарына қабылдау туралы бұйрық шығарады.

Білім беру гранты негізінде оқуға түсу үшін құжаттарды қабылдау процесі

Байланыс

ТІРКЕЛІҢІЗ