2020 жылы ұлы ғалым, ойшыл Әл-Фарабидің туғанына 1150 жыл. Әнуар Әлімжановтың "Ұстаздың оралуы" кітабы Әбу Насыр Әл-Фарабидің өміріне арналған.
29 қыркүйек күні Ыбырай Алтынсарин атындағы Арқалық педагогикалық институтында шығыс ғұламасы Әбу Насыр әл-Фарабидің 1150 жылдық мерейтойына орай Әнуар Әлімжановтың «Ұстаздың оралуы» романын таныстыру мақсатында іс-шара өтті.
ҚР Мәдениет және ақпарат министрлігінің қолдауымен ҚР Ұлттық академиялық кітапханасы және ҚР Кітапханашылар Ассоциациясы бастамасымен 2007 жылдан бастап өткізіліп келе жатқан дәстүрлі «Бір ел – бір кітап» республикалық акциясы комиссиясының шешімі бойынша 2020 жылы Қазақстанда жалпыға бірдей оқу үшін Ұлы Абайдың 175 жылдық мерейтойына орай М.Әуезовтың «Абай жолы» роман-эпопеясы; шығыс ғұламасы Әбу Насыр әл-Фарабидің 1150 жылдық мерейтойына орай Әнуар Әлімжановтың «Ұстаздың оралуы» романы таңдалып алынды.
Осы орайда, АрқПИ Ақпараттық-кешендік кітапханасы орта ғасырларда өмір сүрген Ұлы ғалым Әл-Фарабидің тарихи бейнесін жасаған - Әнуар Әлімжановтың «Ұстаздың оралуы» романын таныстыру мақсатында «Ұлы даланың ұлық тұлғасы» атты буктрейлер дайындалып, қыркүйектің 29 күні институтішілік тележеліден және институтымыздың әлеуметтік желі парақшаларында оқырмандар назарына ұсынды.