Ы.Алтынсарин атындағы Арқалық педагогикалық институты ҚР ҰКП «Атамекен» жүргізген рейтингінің «Түлектердің жұмысқа орналасуы» критерийінде І орынды иеленді. 2022 жылы 90%-ды құраған бұл көрсеткіш 2023 жылдың қорытындысына сәйкес 4%-ға артып, 94%-ға дейін өсіп отыр.

2023 жылы жоғары оқу орындарын бағалау 19 критерийге негізделіп жүргізілді. Олардың ішінде: түлектерді жұмысқа орналастыру, сапа көрсеткіштері, ББ мазмұнын бағалау, академиялық ұтқырлық, шетелдік студенттер үлесі, ЖЖОКБҰ жалпы көрсеткіштері кіреді.
Сонымен қатар, 2023 жылдың қорытындысы бойынша ЖОО-ның 29 білім беру бағдарламасының 11 - і үздік топқа кірді:
ТОП-3-тікке 3 БББ:
B009 – Математика мұғалімдерін даярлау (Математика-Физика) – 2/9
B009 – Математика мұғалімдерін даярлау (Математика-Информатика) – 2/7
B011 – Информатика мұғалімдерін даярлау (Информатика және робототехника) – 3/5;
ТОП-5-тікке 3 БББ:
B010 – Физика мұғалімдерін даярлау (Физика-Информатика) – 5/8
B016 – Қазақ тілі мен әдебиеті мұғалімдерін даярлау (Қазақ тілінде оқытпайтын мектептердегі қазақ тілі мен әдебиеті) – 4/4
B018 – Шет тілі мұғалімдерін даярлау (Шет тілі: екі шет тілі) – 4/37;
ТОП-10-дыққа 5 БББ:
B009 – Математика мұғалімдерін даярлау (Математика) – 8/23
B010 – Физика мұғалімдерін даярлау (Физика) – 9/15
B011 – Информатика мұғалімдерін даярлау (Информатика) – 9/14
B012 – Химия мұғалімдерін даярлау (Химия) – 9/12
B014 – География мұғалімдерін даярлау (География) – 8/14 енді.
Жоғары кәсіби және жеке жетістіктерге қабілетті педагогикалық кадрларды даярлау – біздің оқу орнымыздың басты миссияларының бірі. Бұл өз кезегінде институттағы білім беру бағдарламаларының нарықтағы сұранысты қанағаттандыратынына және түлектер модельінің сәтті көрінісіне дәлелелдік етіп тұр.