Әл-Фараби бабамыздың 1150 жылдық мерейтойына орай АрқМПИ-дің Ақпаратты-кітапханалық кешен кітапханашылары «Ұлтымыздың мақтанышы – Әбу Насыр әл-Фараби» атты кітап көрмесін ұйымдастырды.
 Іс-шараның мақсаты: оқырмандарды ұлы ойшылдың өмірі мен шығармашылығымен таныстыру, жастар арасында Әбу Насыр әл-Фарабидің рухани мұрасын насихаттау.
 Әл-Фараби, Аристотельден кейінгі, дүние жүзі білімі мен мәдениетінің екінші ұстазы атанған данышпан, энциклопедист ғалым, астрономия, астрология, математика, логика, музыка, медицина, табиғаттану, социология, лингвистика, поэзия, риторика, философия ғылымдарын меңгеріп, 200-ге жуық трактаттар жазған.
 Көрмеге әл-Фарабидің музыка теориясы мен тарихы жөнінде «Му¬зы¬каның ұлы кітабы» атты еңбегі, «Философиялық трактаттары», «Логикаға кіріспе трактаты» және басқа да еңбектері қойылды. Сонымен қатар, оқырмандар назарына ұлы ғалым туралы зерттеулер, оның әлемдік ғылымға қосқан үлесі туралы материалдар ұсынылды.