Ы.Алтынсарин атындағы АрқМПИ-дың мәжіліс залында Қазақтың ұлы ақыны Абай Құнанбаевтың 175 жылдығына арналған «Адамзаттың Абайы» атты  әдеби кеш өтті. Кештің мақсаты – жас таланттардың бойында ұлттық мәдениет пен өнерге  деген талғамдарын, өз халқының тарихына деген көзқарасын, патриоттық сезімдерін қалыптастыра отырып, қазақтың ұлы ақыны Абай Құнанбаевтың әдеби мұрасын насихаттау және сақтау. Ы.Алтынсарин атындағы АрқМПИ-дың мәжіліс залында Қазақтың ұлы ақыны Абай Құнанбаевтың 175 жылдығына арналған «Адамзаттың Абайы» атты  әдеби кеш өтті. Кештің мақсаты – жас таланттардың бойында ұлттық мәдениет пен өнерге  деген талғамдарын, өз халқының тарихына деген көзқарасын, патриоттық сезімдерін қалыптастыра отырып, қазақтың ұлы ақыны Абай Құнанбаевтың әдеби мұрасын насихаттау және сақтау. 
 Аталған іс –шараны  ұйымдастырушылар «Қазақ тілі мен әдебиеті» кафедрасының аға оқытушылары. Топ кураторы аға оқытушы, институт доценті Қ.М. Шакированың жетекшілігімен 3 курс студенттері  Абай Құнанбаевтың шығармашылығын насихаттай отырып, театрландырылған көрініс көрсетті.
 Студенттер ұлы Абайдың шығармашылығынан, «Қара сөздерінен» тәрбиелік мәні зор үзінділерді таңдай отырып, өздерінің драмалық қойылымдарымен көрермендерді таң қалдырды.
 АрқМПИ ректоры Сейтбек Қуанышбаев әдеби кешті ұйымдастырушыларға зор алғысын білдірді. Өткізілген  әдеби кеш  Абай мұрасы – бұл жан-дүниеміздің байлығы екенін,  оны сақтау және ұрпақтан-ұрпаққа жеткізу - басты парызымыз екенін көрсеткен атаулы іс-шара болды.