2020 жылы ақын, ойшыл, композитор, қоғам қайраткері, қазақ жазба әдебиетінің негізін қалаушы - Абай Құнанбайұлының туғанына 175 жыл толады.2020 жылы ақын, ойшыл, композитор, қоғам қайраткері, қазақ жазба әдебиетінің негізін қалаушы - Абай Құнанбайұлының туғанына 175 жыл толады.Ақынның мерейтойы қарсаңында Ы.Алтынсарин атындағы АрқМПИ-дің Ақпараттық-кітапхана кешенінде қазақ халқының ұлы ақыны Абай Құнанбайұлының өмірі мен шығармашылығына арналған «Әлем таныған ұлы Абай» атты кітап көрмесі ұйымдастырылды.Абай Құнанбайұлы - қазақ халқының ұлы ақыны, философ-гуманист, композитор, әдеби сөз шебері. Абай қазақ әдебиетіне бұрын белгісіз жаңа поэтикалық формаларды енгізді. Ақынның шығармашылығында «Масғұт»,
   «Ескендір» және «Әзім әңгімесі» поэмалары ерекше орын алады.Абайдың әдеби-эстетикалық мұрасы - қазақ халқының ұлттық мақтанышы. Ұлы Абай шығармашылығына жазушылар, әдебиеттанушылар, лингвистер, философтар, психологтар жүгінеді. Оның еңбектері жас ұрпақты өз халқына қызмет етуге, ілім мен білімге деген ұмтылысқа қанаттандырады.Кітап көрмесінде Абайдың өмірі мен шығармашылығы, еңбектері мен шығармалары туралы материалдар, сондай-ақ белгілі тұлғалардың ұлы ақын туралы мақалалары ұсынылған. Оқу әдебиетінің оқу залының кітапханашысы Жүндібаева А.Е. көрменің тұсаукесерін өткізді.