ББ мақсаты: кәсіби салада құзыретті білікті орыс тілін оқытпайтын мектептердегі орыс тілі мен әдебиеті мұғалімін даярлау.

ББ міндеттері: 

• мәдени (ең алдымен тілдік және әдеби), әлеуметтік-тарихи тәжірибені зерделеу арқылы филолог-мамандарды даярлау сапасын, олардың кәсіби - әдістемелік құзыреттілігін арттыру;
• білім алушылардың тілдік, әдеби, коммуникативтік-стилистикалық білімдерін, іскерліктері мен дағдыларын жетілдіру;
• білім алушылардың тіл заңдылықтарын түсіну, коммуникативтік қызметте тілдік бірліктерді стилистикалық сауатты пайдалану дағдыларын жетілдіру;
• әлеуметтік-коммуникативтік өзара іс-қимылға, кәсіби-еңбек қызметіне дайындықты қалыптастыру, ақпараттық сауаттылықты арттыру;
• қоғамның әлеуметтік тапсырысына және ҚР жоғары білім беру саласындағы нормативтік-құқықтық құжаттарға сәйкес орыс тілінде оқытпайтын мектептерде болашақ орыс тілі мен әдебиеті мұғалімдерін сапалы кәсіби даярлауды қамтамасыз ету;
• физикалық, рухани және интеллектуалдық өзін-өзі дамыту, өзін-өзі тану, өзін-өзі рефлексиялау, педагогикалық ойлау мәдениеті және әлеуметтік-коммуникативті мінез-құлық тәсілдерін игеру.

ББ бірегейлігі:

«Орыс тілінде оқытпайтын мектептердегі орыс тілі мен әдебиеті» оқу бағдарламасының бірегейлігі пәнаралық, құзыреттілікке негізделген, жүйелі-әрекеттік, когнитивті-синергетикалық сияқты әдіснамалық тәсілдерді айқындау мен нақтылауда жатыр. Бұл тәсілдер Ыбырай Алтынсариннің педагогикалық мұрасы мен Қазақстанның жоғары білім беру жүйесінде жүріп жатқан инновациялық үдерістер арасындағы сабақтастықты жүзеге асырудың тұжырымдамалық негізі болып табылады. Бұл үдерістерге білім беру процесіне цифрландырудың инновациялық технологияларын және генеративті жасанды интеллектті енгізу, дәстүр мен жаңашылдықты өзара біріктіретін тұжырымдамалық білім беру ортасын қалыптастыру жатады. Бағдарлама жаңа формациядағы, еңбек нарығында сұранысқа ие педагог мамандарды сапалы даярлауға бағытталған.