Ы.Алтынсарин атындағы Арқалық педагогикалық институтының студенттік белсенділері болашақ бірінші курс студенттеріне арналған «Талапкер» штабын құрды.

Студенттік штабтың жұмысы кешегі мектеп оқушыларының мүлдем жаңа жағдайларға бейімделуіне бағытталған. Штабта әр факультеттердің өкілдері жұмыс істейді, сәйкесінше олар талапкерлер мен олардың ата-аналарының сұранысын толық қанағаттандырады.
Алдымен, әлеуметтік желіде WhatsApp тобы құрылды, онда белсенділер болашақ студенттерге институттағы оқудың шарттары мен ерекшеліктері, қабылдау және келу мерзімдері, қандай құжаттарды тапсыру керек, жатақханада тұру туралы ақпарат ағынын шарлауға көмектеседі. Сондай-ақ, бұрынғы мектеп оқушыларының қызығушылықтары туралы сұрай отырып, түскен оқу орнында бос уақытын қалай өткізуге болатындығымен бөліседі.
Altynsarin institute-ның ректоры Ержан Әмірбекұлының айтуынша, студенттік штабтың басты міндеті – АрқПИ-ге жаңадан келгендердің алғашқы қадамдарын жасауға көмектесу.
«Баласының өзге өңірге кететініне алаңдаулы ата-ана үшін ғана емес, бұл талапкерлердің өздері үшін де толқынысқа толы сәт. Ал осы жағдайда кешегі мектеп оқушыларының орнында болған бүгінгі студенттер көбірек көмек бере алады. Эмоционалдық жағынан да алаңдаушылықты азайту үшін біздің студенттер білім ордамыздағы мүмкіндіктер туралы айта отырып, мәселелерді шешуге көмектеседі», – деді білім ордасының басшысы.
Айта кетерлігі, институт белсенділері студенттік консультативтік топ ретінде қабылдау комиссияларының құрамында шілде айында жұмысын бастады. Бұл ретте жұмыс тек институт базасында ғана емес, студенттердің өздері тұратын жерлерде де жүргізіледі.
Белсенділердің айтуынша, бұл бастама болашақ студенттердің қоғамдық жұмыста өзін-өзі танытуына, олардың көшбасшылық қасиеттерін дамытуға, жастар қозғалысын кеңінен насихаттауға және жастар ұйымының қатарына жаңа белсенділерді тартуға жағдай жасайды.
Студенттік штаб бірінші курс студенттерінің топтарымен кем дегенде бір семестр бойы өзара әрекеттесу, кездесулер өткізу, студенттер қатарына қабылдау шарасына қатыстыру, команданың бір бөлігі болуға үйретуді жоспарлап отыр.