2024 жылдың 15 қарашасында «Жас педагогтар» мектебінің жұмыс жоспарына сәйкес педагогика және филология факультетінің аға оқытушысы Қ.С.Нұрсали «Zotero оқытушыларға арналған: кітапхананы ұйымдастыру және басқару» семинарын ұйымдастырды.

Семинар жұмыстары қамтыған міндеттер: оқытушылар мен зерттеушілер үшін бағдарламаны пайдаланудың артықшылықтарын көрсету; цифрлық кітапхананы ұйымдастыру-дереккөздерді қосу, тақырыптық қалталарды құру және тегтерді пайдалану; библиографияны әр түрлі стильде (numeric, APA, MLA, Chicago т.б.) дәйексөздеу және безендіру процестерін автоматтандыру.

Семинардың практикалық бөлімінде қатысушылар Zotero-ны өз құрылғыларына орнатып, құрастырды; сандық кітапханаға дереккөздерді қосты; автоматты дәйексөз функцияларын тексеру сынды алгоритмді орындады.
Әдістемелік алаңда мұғалімдер Zotero-ның негізгі функцияларын игерді, бұл оларға ғылыми дереккөздермен жұмысты оңтайландыруға және жарияланымдарды рәсімдеуге уақытты үнемдеуге мүмкіндік береді.

Жас оқытушылар Zotero-ның ыңғайлылығы мен қолжетімділігін атап өтті, сондай-ақ бұл құралды өзінің академиялық және педагогикалық қызметінде қолдануға ниет білдірді.
Семинарға қатысушыларға алғыс білдіреміз және «Жас педагогтар» мектебінің кезекті іс-шараларына шақырамыз!