2020 жылдың наурыз айының 2 күні «Рухани жаңғыру» жобалық кеңсесінде Әбу Насыр Әл-Фарабидың 1150 жылдығына арналған «Ұлы даланың ұлы тұлғасы - әл-Фараби» атты институт студенттері арасында эссе сайысы болып өтті. Ұйымдастырушы «Қазақстан тарихы, құқық және экономика негіздері» кафедрасы.
Сайыстың мақсаты: Әл-Фарабидей ұлы тұлғаны студенттер санасында жаңғырту, еңбектерін оқып түсінуге баулу. Ойшылдың лоикалық және этикалық, моральдық ұстанымдарына студенттердің назарын аудару, нәтиже шығаруға үйрету.
Ал эссеге төмендегідей негізгі талаптар қойылған болатын:
1. Эссенің құрылымдық жүйесі сақталуы қажет;
2. Эссе мазмұнды және өзіндік көзқарасы болуы керек;
3. Әдебие тіл нормалары сақталуы керек;
4. Көлемі 2 беттен аспауы тиіс.
 Эссе сайысының қорытындысын арнайы құрылған комиссия құрамы шығарды: Тарих және өнер факультетінің деканы, филос.ғ.к., Г.С.Конкина, Қазақстан тарихы, құқық және экономика негіздері кафедрасының аға оқытушысы Елеусов Б.А., аға оқытушысы Каненова Г.Т., оқытушы Өтеулі М.
 Сайыстың қорытындысы бойынша: Бірінші орынды ұлы ойшыл еңбектерін қазіргі дүниетаным тұрғысынан шебер жеткізе білген ЕШТ-21 тобының студенті Бердалы Аянаға берілді. Екінші орын ұлы ғалымының логикалық еңбектеріне ғылыми тұрғыда ізденіспен ойын жеткізген ТХ-21тобы студенті Әнуарбек Елугүл мен ЕШТ-23 тобы студенті Мелдеханова Жәудірге берілсе, үшінші орынды ойшылдың еңбектеріне сәтті негізде, көркем-ғылыми тұрғыда түсіндірме жасаған Б-21 тобы студенті Қарабек Айжан, Райымбек Нүрзия мен Г-21 тобы студенті Сагдыллаева Іңкар ие болды.
 Әлем таныған ұлы бабамыздың ғылыми мұрасы халқымыздың ғана емес, әлемдік ғылым мен мәдениеттің асыл маржаны болып табылады. Қазіргі әлемнің келбетіне, ақыл-ойына, оның қалыптасып дамуына ерекше үлес қосып, қазіргі таңда да өзінің ілімдерінің өзектілігі артпаса кемімеген ұлы бабамыздың еңбегі қашанда құнды болып табылады. Келер ұрпақ осы ойлар сабақтастығын ұғына отырып, ғылым мен мәдениеттің, ұшқыр ойдың иесі Әл-Фарабидей ұлы тұлғаны мақтаныш ете тұрып, даналыққа ұмтылса екен дейміз.