2020 жылдың 17-18 ақпанында Ы.Алтынсарин атындағы Арқалық мемлекеттік педагогикалық институтында «Абай даңқы, Абай дара қазақта!» өлеңдер сайысы өтті. Іс-шараның мақсаты - қазақ халқының ұлы ақыны Абай Құнанбаевтың шығармашылығын насихаттау ғана емес, сонымен қатар жастардың қазақ әдебиеті мен тарихқа деген қызығушылығын арттыру.
 Бұл сайыс Абайдың қазақ әдебиетіне қосқан зор үлесін есте сақтауға шақырады. Оның шығармалары өзектілігін жоғалтпайды, олар бүгінгі күні де өте маңызды, қазіргі ұрпаққа қызықты.
 Мәнерлеп оқу сайысы – талантты студенттерді іздеу мен ашуға бағытталған дәстүрлі тәрбиелік іс-шаралардың бірі. Бұл бағыт, көркем сөзге деген сүйіспеншілікті дамытады.
1-4 курс студенттері аралығындағы он қатысушы - сахна мәдениетін, орындау шеберлігін, әртістік қабілетін, қазақ ақынының шығармашылық ойына енуін көрсетті.
 Байқау қорытындысы бойынша «Қазақ тілі мен әдебиеті» мамандығының 1 курс студенті Ләззат Керімбек жеңімпаз атанды. Екінші орынды 3 курс студенті Рамазан Сарманов, үшінші орынды 4 курс студенті Әуезхан Ернұр иеленді. Байқау жеңімпаздары Қостанай қаласында өтетін облыстық «Абай әлемі» фестиваліне қатысады.