Күні кеше Арқалық қаласында Республикалық «Бірге-Таза Қазақстан» жалпыұлттық акциясы аясында «Тазалық кубогы-2023» ЭКО сенбілігі өтті.

«Арқалық қаласы әкімдігінің ішкі саясат бөлімінің «Жастар ресурстық орталығы» КММ ұйымдастыруымен, қала әкімі Асанов Ә.Б. қатысуымен ЭКО жарысына Altynsarin institute-ң жүзден аса студент белсенді қатысты.

Ұйымдастырылған шара мақсаты – Жастарың бойында экологиялық мәдениетті қалыптастыру, абаттандыру, қоршаған ортаны қорғау, қаланың тазалығына атсалысу.

Турнир тәртібі бойынша 2 кезеңнен тұратын Эко акцияға топ құрамы 100 адамнан құрылған ЖОО және колледж студенттері қатысады. Сайыс талаптарына сай топ мүшелерінің киім үлгісі біркелкі болуы шарт, сондай-ақ, әр топқа жереби бойынша бекітілген тазалық орындарын жинастыру жұмыстарына 3 сағат уақыт беріледі.

Экосенбілік аясында қаламыздың Демалыс саябағы институмыздың студенттерімен күл-қоқыстан тазартылды.
Арнайы комиссия тазалаған орындарға шолу жасап, турнир нәтижесінде институтымыздан жүзден аса қатысқан студент арнайы дипломмен марапатталды.