4-8 мамырда Қырғызстан астанасы Бішкек қаласында гир көтеруден және бодибилдингтен Азия чемпионаты өтті.

Гир көтеруден 63 келі салмақ дәрежесінде жасөспірімдер мен ересектер арасындағы Азия чемпионатына Altynsarin institute-ң «Дене шынықтыру және спорт» ББ бірінші курс студенті Ростислав Исмагилов өз бағын сынады.
Жарыс қорытындысы бойынша Ростислав ерлер арасында «ұзын цикл» категориясы бойынша 2 орын алса, жұлқа көтеруден 3 орынға ие болды.

Айта кетерлігі, жас спортшы гір көтеруді 9-сыныпта бастаған. Ол Арқалық қалалық жасөспірімдер спорт мектебінің тәрбиеленушісі. Гир көтеру спорт түрінен халықаралық дәрежедегі спорт шебері атағы бар.
Жеңіс құтты болсын!