Бүгін Жоғары білім беру комитетінің ұйымдастырумен Жамбыл, Түркістан және Қызылорда облысының талапкерлері үшін «Серпін» бағдарламасы бойынша білім беру гранттары туралы ақпараттық-түсіндіру жұмыстары басталды.

Altynsarin institute атынан қабылдау комиссиясының жауапты хатшысы Жумабаева Сания Бакытжановна, жауапты хатшы орынбасары Алиева Гүлім Сабитхановна қатысуда.

Шара барысында білім беру көрмесі ұйымдастырылып, түлектер білім беру бағдарламалары туралы толыққанды ақпараттар алды. Сондай-ақ, университет пен ұлттық бірыңғай тестілеу орталығының сарапшылары ақпарат таратты.
Аталмыш түсіндірме жұмыстары ертең мамыр айының 18-ші жұлдызында Түркістен қаласындағы «Яссауи» университетінде, ал, 20-сы күні Қызылорда қаласындағы «Қорқын ата» университетінде жалғасын таппақ.

Altynsarin institute «Серпін» бағдарламасымен білім беру грантына ие болғысы келетін түлектерді келесі кездесулерге шақырады:
17 мамыр сағат 10:00-де – Тараз қаласы, Сәтбаев көшесі 28, М.Х. Дулати атындағы Тараз өңірлік университеті М.Уркумбаев атындағы Жастар сарайы;
18 мамыр сағат 12:00-де – Түркістан қаласы, Б. Саттарханов даңғылы, 29 үй Қожа Ахмет Яссауи атындағы Халықаралық қазақ-түрік университеті Мәдениет орталығы;
20 мамыр сағат 11:00-де – Қызылорда қаласы, Ы. Жақаев көшесі 75 үй, Қорқыт ата атындағы Қызылорда университетінің Жастар сарайы.