«Жас Ұлан» балалар мен жасөспірімдер орталығында 2023 жылдың қорытындысы бойынша Арқалық қаласындағы спорт саласының үздік өкілдерін марапаттау рәсімі өтті.

Жоғары жетістіктері мен спорт саласына қосқан үлестері үшін марапат алған спортшылар мен жаттықтырушылардың қатарында Altynsarin institute-ның да студенттері мен оқытушылары болды.
Нақтырақ айтқанда, институттағы волейболдан ерлер командасы Қостанай облысының чемпионатында және кубогіндегі жоғары жетістіктері үшін «Үздік команда – 2023 жыл» номинациясын иеленді.
Ал, «Дене шынықтыру және спорт» білім беру бағдарламасының аға оқытушысы Қ.Б.Қонысбаев спорт саласындағы ерекше еңбегі және жеңімпаз срортшыларды дайындағаны үшін «Үздік жаттықтырушы – 2023 жыл» номинациясын ие болды.

Айта кетейік, таяуда ғана өткен студенттік спорт лигасында институттың волейбол құрамасы Солтүстік – Орталық дивизионның ең үздік құрамасы деп танылып, І-орынмен қуантқан.
Қала әкімі Асанов Әмірхан Біркенұлы салтанатты шараның алғашқы құттықтау сөзінде спортшы қауымға өз алғысын білдіріп, қала мәртебесін арттыруда спорттың рөлі зор екендігін жеткізді.
Сонымен қатар салтанатты рәсімде жаттықтырушылар мен спортшылар «Арқалық қаласының үздік спортшысы – 2023», мүмкіндігі шектеулі спортшылар арасындағы «Үздік спортшы», командалық ойын түрлерінен «Үздік команда» номинациясы, «Арқалық қаласының үздік жаттықтырушысы – 2023», «Үздік спорттық тапсырысты орындаушы ұйым», «Үздік дене шынықтыру мұғалімі», «Үздік дене шынықтыру оқытушысы», «Үздік спорт әдіскері», «Үздік спорт нұсқаушысы», «Дене шынықтыру мен спорт саласын дамытуға қосқан үлесі үшін» аталымдары бойынша марапатталды.

Арқалық қаласының барлық атқарушы мекеме басшылары бас қосқан шараға Ы.Алтынсарин атындағы АрқПИ Басқарма Төрағасы – Ректор Ержан Әмірбекұлы да қатысып, институт спортшыларының жетістігіне ортақ болып, қайтты.