2024 жылғы 20 қарашада Қырғыз Республикасы Президентінің мемлекеттік резиденциясында Қара-Қырғыз автономиялық облысының 100 жылдығына және Қырғыз Республикасының Білім беру институтының 100 жылдығына арналған Орталық Азия жоғары оқу орындары ректорларының "Жаһандық сын-қатерлер контекстіндегі Орталық Азия университеттерін трансформациялау" халықаралық форумы өтті.

Форумның мақсаты – Орталық Азия жоғары оқу орындарының білім беру қызметтері саласындағы өңірлік ынтымақтастығын кеңейту, бірлескен зерттеулер жүргізу және білім беру процесіне жаңа технологияларды енгізу.
Форум жұмысына білім және ғылым органдарының басшылары, ЖОО ректорлары, Орталық Азия елдерінің сарапшылары, оның ішінде ректор Ержан Әмірбекұлы бастаған Altynsarin institute делегациясы қатысты.
Салтанатты ашылуында ҚР Білім және ғылым министрі Догдуркул Шаршеевна Кендирбаева құттықтау сөз сөйледі.

Пленарлық отырыста және тақырыптық панельдік сессияларда қазіргі жоғары мектептің әртүрлі аспектілері бойынша жоғары оқу орындарының басшылары мен жоғары білім беру саласындағы сарапшылар баяндама жасады. Форумға қатысушылар өңірдің жоғары оқу орындарын трансформациялау және олардың жаһандық сын-тегеуріндер жағдайындағы қызметі, қазіргі заманғы университеттің тұрақты дамуының негізі ретінде білім, ғылым және бизнесті интеграциялау бойынша кең ауқымды мәселелерді талқылады, сондай-ақ экономика мен цифрлық білім беруді жаңғыртудың маңызды ресурсы болып табылатын зерттеу университеттері туралы айтты.
Форум жұмысы аясында қазақстандық жоғары оқу орындарының басшылары шетелдік әріптестермен ынтымақтастық туралы меморандумдарға қол қойды. Мәселен, Ы. Алтынсарин атындағы Арқалық педагогикалық институты ОШ мемлекеттік университетімен және А.Ж.Мырсабеков атындағы Ош мемлекеттік педагогикалық университетімен келісімдерге қол қойды. Ынтымақтастықтың негізгі міндеттері халықаралық жобаларға бірлесіп қатысу, студенттер мен оқытушылар арасында ұтқырлықты дамыту, сондай-ақ ғылыми сараптамалық кеңістікті кеңейту болып табылады.